1-4 Unit Housing Study Frequently Asked Questions (Hmong/Hmoob)

Tej kev kawm txog kev cim cheeb tsam chaw mas yuav siv ntau lub xyoos thiaj li yuav ua tiav. Kom ua rau muaj kev hloov pauv qee yam kiag tam sim mas kuj yuav tau saib tej kev xaiv ua kom zoo mus rau lub sij hawm ntev tom ntej, Lub Nroog thiaj li txiav txim siab los muab qhov kev kawm no faib ua ob zeeg sij hawm ua txuas ntxiv zus. Zeeg Sij Hawm 1 tau txheeb xyuas tej teeb meem uas yuav ua rau tshem tej ub no tawm ntawm thaj chaw tau yooj yim dua es thiaj li yuav tsim tej vaj tse tau ntau ntxiv yam tsis tas yuav hloov kho txoj cai tswj fwm ntxiv lawm, hos Zeeg Sij Hawm 2 mas yog ib txoj hauj lwm loj dua, yuav muaj xws li kev tshuaj xyuas txog kev cim ib cheeb tsam uas yuav ua kom txhawb nqa tau yooj yim dua rau ntau hom vaj tse.

Nyob rau xyoo 2018, Xab Pha Nroog tau pom zoo Txoj Cai Kev Daws Teeb Meem 18-1204 uas hais txog qhov yuav tau ua thiab tswj kom sawv daws them taus vaj tse, daws tej vaj tse ua zoo sib txawv, thiab tsim kom txhua lub tsev ruaj khov thoob plaws nyob rau hauv Saint Paul. Ua ke nrog lwm txoj hauj lwm, txoj kev daws teeb meem no thiaj li tau nquas hu txog cov neeg lis hauj lwm rau fab Kev Npaj thiab Pawg Kws Saib Xyuas Kev Npaj los mus kawm txog feem uas yuav ua tau kom muaj chav tsev nyob li 3 txog 4 unit nyob rau ib cheeb tsam nroog tam sim no rau ib tsev neeg uas nyob rau hauv Cov Zos Sib Puab Ua Ke thiab/los sis cov nyob raws tej kev tawm.

Ntxiv rau qhov no, cov cai tswj fwm nyob rau hauv Qhov Kev Npaj Ua Kom Txog Rau Xyoo 2040 yuav txhawb kom ib puag ncig zoo thiab txuag nyiaj tau zoo,kev tsim kho kev siv tej av kom ruaj khov, muab kev tsim kho rau tej suam av uas muaj neeg nyob coob los sis suam chaw uas tau npaj tseg tias yuav muaj tsheb khiav mus los ntau, thiab ua kom muaj vaj tse ntau rau txhua hom neeg tsis hais tus muaj tus txom nyem los xaiv nyob tau. Tshwj xeeb mas cov cai tswj fwm LU-1, LU-30, H-48, thiab H-49 tau nquas hu kom muaj tsheb khiav mus los ntau rau ntawm tej suam chaw ntawd thiab mob siab rau Cov Zos Uas Nyob Sib Puab Ua Ke ntawd, tsim kom muaj ntau hom tsev nyob rau hauv Ib Cheeb Tsam Nroog Nyob Sib Puab, suav txog hom tsev uas nyob tau ob yim neeg, hom tsev nyob tau peb yim neeg, hom tsev sib puab ua ke, thiab hom tse uas nyob tau ntau yim neeg ua ke kom dawv daws muaj qhov xaiv ntau ntxiv, thiab kev txiav txim siab txog kev hloov kho ib cheeb tsam chaw kom ua rau tsim tau tej vaj tse thiab hom tsev uas ob yim neeg nyob tau rau sawv daws es thiaj li yuav tsim kho tau ntau hom vaj tse me rau sawv daws nyob.

Zeeg Sij Hawm 2 ntawm kev hloov kho cim ib cheeb tsam chaw no muaj xws li:

• Tsim vaj tse nyob tshiab rau hauv cov cheeb tsam nroog H1, H2, thiab H3 lus mus hloov rau tej qub vaj tse R1-RT2, thiab kho dua tshiab rau hauv ib cheeb tsam nroog RL, suav txog kev kho cov qauv cai kev tsim ua vaj nyob rau hauv thaj chaw, qhov siab, qhov qis, thiab kem chaw rau thoob plaws rau cov cheeb tsam nroog no
• Kho txoj cai kev tsim kho raws pab pawg, kho dua tshiab kom muaj ntau hom tsev thiab ntau kem tsev nyob rau tej chaw uas seem raws li txoj cai.
• Kho cov kev cai uas yuav tau siv rau tej vaj tse thiab tej chaw nyob (ADUs) xws li ua kom ADU dav dua thiab muaj ntau kem dua
• Muab kev mob siab tshwj xeeb rau cheeb tsam chaw uas muaj neeg nyob coob rau kev tsim kho cov vaj tse raws li qhov ntau tsawg ntawm yim neeg thiab/los sis kom cov yim neeg uas khwv nyiaj tau txog li 80% los sis tsawg dua Theem Nruab Nrab Hauv Ib Cheeb Tsam ntawd them taus chav tsev nyob
• Kho cov qauv cai faib cheeb tsam chaw uas ntsig txog rau sawv daws nkag mus cuag tau thaj chaw tau (taug kev mus tau thiab tsheb khiav mus los tau, tej kev tsheb thiab kev pua kev, tej chaw nres tsheb, kev kho txoj kev, tej hluav taws xob ub no, thiab qhov nkag mus pab tau thaum muaj hluav taws kub hnyiab) thiab qhov muaj vuas vov rau ntawm qhov rooj thiab ntug tsev
• Txheeb Xyuas tias yuav tsum tau Tshuaj Xyuas Thaj Chaw Npaj Ua rau txhua yam kev tsim kho uas muaj hom tsev rau peb yim neeg los sis s ntau yim neeg nyob thiab tej kev tsim kho pab pawg vaj tse
• Tsim kho cov kev cai kom haum raws tej kev hloov pauv saum toj saud, suav txog tej kev cai los mus kho kem tsev rau sab xub ntiag thiab ua raws li txoj kev qhia ua ntawm "sab tom qab" thiab "kho rau sab xub ntiag"
• Tsim kho cov ntaub ntawv teev txog tej av siv thiab lwm cov ntaub ntawv uas kho rau hauv kev faib cheeb tsam chaw los mus tsim kho Txoj Cai Faib Cheeb Tsam Chaw kom muaj meej thiab raug raws cai

Tseem yuav tau ua li ntawd, hom tsev rau ib yim neeg nyob mas tseem yuav tau txais tso cai!

Tej kev kho dua tshiab no yuav ua rau muaj ntau hom tsev nyob rau hauv ib puag ncig thiab muaj ntau hom tsev pes nrab rau sawv daws xaiv uas tam sim no tsis muaj nyob rau hauv cheeb tsam nroog uas tau faib cheeb tsam chaw rau hom tsev rau ib yim neeg nyob lawm (RL-R4), nrog rau nyob rau hauv RT1, uas tam sim no tso cai  cia mus ntau txog ob kem tsev nyob, thiab RT2, uas tam sim no tso cai muaj txog 4 kem tsev nyob thiab hom tsev uas nyob sib puab ua ke.Ntxiv rau ntawm hom tsev rau ib yim neeg nyob lawm, tej kev hloov kho no yuav ua rau muaj lwm hom tsev me xws li hom tsev ib lub, hom tsev ua khub, hom tsev muaj ob kem nyob, hom tsev muaj peb kem nyob thiab hom tsev muaj plaub kem nyob uas koom lub tiaj nyom los sis thaj chaw muaj nyom ua ke, thiab nyob rau ntawm qee kem hauv cheeb tsam nroog, hom tsev nyob ib puab ua ke thiab tej vaj tse nyob uas muaj ntau txog rau kem nyob ua ke.  

Tau hais kom faib cheeb tsam chaw rau hauv cheeb tsam nroog H1, H2 thiab H3 es thiaj li tsis ua rau hom tsev rau ib yim neeg nyob tsis raug cai los sis tsis muaj teeb meem raws li txoj cai kev faib cheeb tsam chaw los sis cuam tshuam rau kev tsim ua hom tsev rau ib yim neeg nyob nyob rau hauv tej chaw uas tau faib tam sim no rau ntawm RL-RT2 lawm. Qhov tseeb tiag, H1, H2, H3, thiab tej chaw uas tau kho dua tshiab ntawm RL mas yeej yog "hom tsev rau ib yim neeg nyob xwb" uas cheeb tsam nroog xav kom tsim kho ntxiv rau sab tom qab tsev (nyob rau lub tiaj nyom), thiab ob sab ntug tsev, hom tsev qub rau ib yim neeg nyob thiab hom tsev uas muaj ob kem nyob-mus txog plaub kem nyob. Nce raws li cov qauv dav thiab nqaig ntawm hom tsev uas pub ua tau xws li kem dav mus txog rau qhov qis thiab nce raws li lwm txoj cai tseem ceeb xws li qhov muaj dej thiab hluav taws xob txaus thiab thaum muaj hluav taws kub hnyiab mas nkag mus cuag tau, kev tsim kho hom tsev tshiab no mas yuav tsum muaj hom tsev rau ib yim neeg nyob, muaj kem tsev nyob (ADU), muaj hom tsev ob kem nyob, los sis hom tsev ob kem ADU nyob sab tom qab los sis nyob sib puab rau ntawm hom tsev rau ib yim neeg nyob. Ib kem tsev nyob uas muaj chaw dav seem ntau heev mas yuav pom muaj hom tsev uas muaj peb kem nyob los sis plaub kem nyob rau hauv tej suam chaw uas muaj hom tsev qub lawm.

Dhau qhov no lawm kuj tau thov kom tso cai rau txhua cov chaw nyob hauv cheeb tsam nroog ntawd mas yog Kev Tsim Kho Rau Pab Pawg Chaw Nyob dua tshiab, kev siv ib daim av uas muaj lwm yam cai ntxiv dua ntawm cov qauv cai kev faib cheeb tsam chaw hauv nroog uas yuav ua rau muaj ntau hom tsev nyob rau ib puag ncig chaw seem ntawd nrog rau muaj ntau yam kev yooj yim uas yuav tau sib koom ua ke. Hom tsev tshiab thib lwm hom tsev nyob uas dav xwm fab xwm yeem 600 fij, kom tib neeg sawv daws them taus, mas yuav tau tsim kho raws li qhov raug tso cai los ntawm Pab Pawg Saib Xyuas Kev Npaj rau kev tsim kho raws li cov kev cai tsim kho pab pawg chaw nyob.

Ntxiv rau ntawm qhov kev tsim kho dua tshiab no lawm, yeej tau hais kom faib cheeb tsam chaw hauv cov nroog H1, H2 thiab H3 uas tau hu ua "kev siv dua thiab/los sis kev hloov hom qub tsev dua ... yam tsis tau rhuav tshem tej qub tsev li."  Txoj cai no mas yuav tsum tau ua raw sli Txoj Cai Tswj Fwm Kev Npaj Ua LU-34 hauv Saint Paul: "Ua rau muaj ntau hom tsev xaiv nyob rau ntawm tej zuam chaw neeg nyob pes nrab-neeg nyob coob, xws li hom tsev nyob sib puab ua ke, hom tsev uas tej chav nyob sib puab thiab kev tsim kho hom tsev me dua rau ntau yim neeg nyob ua ke, uas haum raws li hom tsev nyob hauv Ib Cheeb Tsam Nroog."Vim tus nqi tsim ua yuav raug nqi siab heev, thiaj li ua rau hloov pauv nyiaj txiag tau yooj yim dua los sis hloov txhua yam los sis hloov kho ib feem ntawm tej qub vaj tse los ntxiv ib kem nyob ntxiv los sis ntau kem tshiab ntxiv tau yooj yim dua yog raug tso cai raws li kev faib cheeb tsam chaw nyob rau hauv nroog; ntxiv rau ntawm qhov no lawm, qhov kev hloov pauv no mas tej zaum yuav yog ib lub tswv yim los npaj ua kom muaj ntau hom tsev los hloov rau hom tsev qub uas muaj nyob rau hauv ib puag ncig, kom mus raws li cov cai tswj fwm Kev Npaj Ua LU-42, H-47 thiab H-50. 

Thaum xav txog qhov tsis muaj vaj tse nyob txaus rau hauv lub xeev tam sim no, ces kev hloov kho, thiab qhov rov qab siv tej qub vaj tse thiab kev tsim ua vaj tse tshiab mas yuav yog qhov tseem ceeb heev rau kev tsim kho tej vaj tse qub hauv ib puag ncig. Nce raws li qhov yuav tau ua ntawd, tej tsev zoo li ntawd mas qhov yuav tau saib raws li kem tsev nyob ntawd mas tej zaum yuav saib raws li tus qauv pub ua dav thiab nqaim li cas xws li qhov tso cai cia nqaim tshaj plaws toj ib kem tsev nyob, los sis qhov nkag mus los tau rau kem tsev nyob rau hauv hom tsev rau ib yim neeg nyob, tsis hais ib kem tsev rau ib yim neeg nyob xwb, los sis ntau kem tsev uas muaj 1-2 kem tsev nyob.

Ntxiv rau qhov no, qhov zoo ntawm qhov tau hais kom faib cheeb tsam chaw no mas yuav zoo rau lub sij hawm mus ntev tom ntej no, tab sis tuaj yeem pom qhov zoo tshwm sim rau lub sij hawm sai sai no thiab. Lub hom phiaj ntawm txoj cai no yog ua kom haum raws li txoj cai kev tsim kho vaj tse rau lub sij hawm mus ntev rau yav tom ntej rau hauv nroog, thiab nrog rau kev tswj xyuas tej kev hloov pauv thiab kev txo qhov tsiv mus los rau hauv ib puag ncig thiab tej chaw nyob rau niaj hnub tam sim no thiab rau yav tom ntej. Qee txoj cai yuav txhawb nqa rau fab kev loj hlob tab sis tseem yuav tau tswj xyuas qee yam kev hloov pauv xws li:

• Kev faib cheeb tsam chaw tshwj xeeb rau tes hauj lwm tsim kho hom tsev muaj 3+ chav pw thiab hom tsev uas sawv daws them taus rau ntawm Suam Chaw Uas Neeg Khwv Nyiaj Tau Los Pes Nrab li 80%;
• Cov kev cai uas ua rau muaj kev tsim ua (txoj cai ncau) ntawm kev tsim ua kem tsev me dua rau kev tsim kho hom tsev muaj1-4 kem mas tam sim no raug tso cai pub ua tau lawm, xws li kem tsev dav 25’-30’ nyob rau hauv H1-H3 hloov rau kem tsev dav 40’-80’ uas niaj hnub tam sim no tsuas yog hom tsev rau ib yim neeg nyob xwb. Kem tsev nyob me dua mas yeej raug tus nqi pheej yim dua hom tsev dav dua thiab yuav ua rau dawv daws them taus tsis yog yuav los sis xauj nyob, thiab yuav ua rau sawv daws tuaj yeem yog tswv tsev tau rau yav tom ntej; thiab
• Cov kev cai uas pub ua qhov dav rau ntawm pab pawg tsev nyob ntawm tej suam chaw dav 21,780 s.f (ib nrab acre), thaj tsam npaum li paub npaug ntawm daim av dav xwm fab xwm yeem 5,000 fij.Qhov txo tsis pub tsim ua qhov dav rau ntawm hom tsev pab pawg mas yuav txhawb rau qhov pub tsim kho hom tsev qub uas muaj 1-4 kem tsev nyob. 

Tam sim no, Lub Nroog tsom cai cia tsim hom tsev nyob (ADU) ua kem tsev nyob tau lawm, hom tsev uas ua sib puab los sis nyob sib puab ua ke uas txuas los ntawm ib lub tsev rau ib yim neeg nyob rau ntawm tib kem chaw nyob ntawd. Tes hauj lwm Zeeg Sij Hawm 2 ntawm qhov kev kawm no mas yuav ua rau muaj kev tsim kho me ntsis rau Lub Nroog tes hauj lwm AUD txoj cai, tshem tawm cov qauv cai rau tus tswv tsev thiab thaj chaw dav xwm fab xwm yeem 5,000 fij es thiaj li yuav ua tau hom tsev ADU. Qhov ntawd kuj tau hloov rau qhov pub tso cai ua qhov dav kawg rau hom tsev ADU los ntawm qhov dav xwm fab xwm yeem 800 fij nqis los txog 75% rau ntawm thaj chaw nyob ntawd.

Tes hauj lwm Zeeg Sij Hawm 2 ntawm qhov kev kawm no mas tam sim no muaj kev xam pom tsim kho dua tshiab kom coj los tsim kho rau hom tsev ADU nyob rau hauv Saint Paul lawm.Tej ntaub ntawv uas yuav tau kho muaj xws li:

• Tso cai ua hom tsev uas muaj ob kem nyob (ADUs) rau txhua yim uas muaj ib kem tsev nyob rau ntawm ib kem chaw nyob.
• Yog hais tias hom tsev ADUs uas muaj ob kem nyob ntawd raug tsim kho lawm, ces yuav tsum kom txuas ua ob kem los ntawm hom tsev uas rau ib yim neeg nyob.
• Yuav txo kom txhob nyuaj thiab ua kom kem tsev nyob sab hauv hom tsev ADU dav dua, sib txuas tau, los sis tsim ua ke tau - dav xwm fab xwm yeem txog 800 fij los sis txo kem tsev nyob kom nqaim dua tau 75%, tsis hais yuav ua rau dav dua (kev hloov kho rau hom tsev ADU uas txo qhov dav ntawm kem tsev nyob los li 75%, thiab tshem tawm cov qauv cai ua hom tsev ADU kom dav tsis pub me dua 1,000 fij thiab hom tsev ADU dav tshaj tsis pub tshaj 50% ntawm lub chaw uas ua lub tsev nyob ntawd).
• Pub ua hom tsev ADU siab dua 25 fij, yam tsis xav txog qhov siab ntawm lub tsev ntawd.
• Muaj qhov zam rau kev nkag mus los cuag tau rau ntawm lub tsev uas muaj kem tsev nyob txij li peb lub tsev thiab dav xwm fab xwm yeem tsis pub tshaj li 1,200 fij rau ntawm lub tsev nyob ntawd.

Qhov kev kawm no ntaus nqis tseem ceeb rau kev tsim ua vaj tse nyob kom mus raws li txoj cai kev faib cheeb tsam chaw nyob es cov tuam txhab tsim ua vaj tse nyob loj dua thiaj li yuav tsim kho tej vaj tse tau ntxiv tuaj, muaj ntau hom tsev xaiv rau cov yim neeg uas me. Qhov muaj hom tsev 1-4 kem nyob ntau ntxiv mas yuav ua rau muaj kev xaiv ntau ntxiv thiab txo tau tej kev nyuaj thoob plaws rau hauv nroog Saint Paul vim muaj vaj tse ntau ntxiv tuaj rau ntawm sawv daws xaiv xauj nyob thiab yuav ua tswv tsev lawm. Qhov yim muaj vaj tse rau xaiv nyob mas yuav ua rau tus nqi vaj tse zoo dua rau sawv daws uas ua rau sawv daws them taus rau yav tom ntej. Yuav muaj ntau kem tsev nyob no yog hom tsev xaiv uas ntau yim neeg kwv nyiaj tau tsawg thiab khwv nyiaj tau pes nrab yuav tuaj yeem los them taus, thiab haj tseem tsis muaj kev txwv txiav dab tsi nyob rau hauv txheej txheem ntaub ntawv cog lus yuav tsev los yog xauj tsev nyob.

• Tes hauj lwm Zeeg Sij Hawm 1 ntawm qhov Kev Kawm Txog Hom Tsev Nyob 1-4 Kem Nyob no mas tsis muaj feem saib txog qhov tsim hom tsev kom sawv daws them taus, tab sis feem ntau yog los tshem tej teeb meem es kom tuaj yeem tsim ua tau txhua hom vaj tsev tau ntau ntxiv xwb. (Piv txwv li., hom tsev xaiv xws li hom tsev rau ib yim neeg nyob uas nyob rau ntawm kem tsev sib puab ntawm tej qub tsev, thiab qhov txuas chav tsev ntxiv rau ntawm cov tsev nyob no).
   
• Tes hauj lwm Zeeg Sij Hawm 2 ntawm qhov kev kawm no mas yuav xav txog txhua feem ntawm cov hom tsev ntawm qhov ua kom me dua, rau ntawm thaj chaw muaj neeg nyob coob dua los ua hom tsev uas sawv daws them taus rau cov yim neeg uas khwv nyiaj tau tsawg dua 80% ntawm qhov Khwv Nyiaj Tau Pes Nrab, thiab nrog rau hom tsev rau yim neeg nyob (muaj 3 chav pw los sis ntau chav pw). Qhov kev txheeb xyuas tau qhia tias kev tsim kho vaj tse rau ntawm tej suam chaw muaj neeg nyob tsawg dua (1-6 kem nyob),cov tuam txhab tsim ua vaj tse yeej yuav tsis tuaj yeem ua tau hom tsev uas sawv daws yuav them taus yog tias tsis muaj kev pab nyiaj. 

Tam sim no nroog Saint Paul tab tom hais kom pej xeem sawv daws los koom tes thiab pab rau qhov kev kawm txog qhov Tiv Thaiv kev tsiv chaw mus los thiab Cov Cai Tswj Fwm, Cov Khoos Kas, Cov Kev Cai, Thiab Kev Pab Nyiaj Txiag thiab Cov Tswv Yim los txhawb rau kev tsim Hom Vaj Tse Zoo Rau Neeg Zej Zos Nyob (mus saib hauv lub vas sab ntawm tes hauj lwm tsim ua no).

Ob tes hauj lwm no muaj xws li kev tshuaj ntsuam xyuas txog tus nqi uas yuav siv tau mus los nyog rau ntawm hom vaj tsev nyob rau hauv Ib Cheeb Tsam Chaw Nyob thiab tej lus xam pom txog kev nqis tes ua ntawm Lub Nroog. Tom qab xaiv pab pawg kws pab tswv yim nyob rau lub qab xyoo 2021 lawm, pab pawg neeg no tau pib ua thiab kom pej xeem sawv daws los muab kev xam pom nyob rau lub xyoo pib 2022 thiab vam tias yuav ua mus raws li tej lus xam pom nyob rau thaum lub caij nplooj ntoos hlav/caij ntuj sov xyoo 2023.